Here
1 Prys die Here!
Ja, prys Hom,
dienaars van die Here.
Prys die Naam van die Here!
2 Geseënd is die Naam
van die Here,
nou en vir altyd.
3 Van waar die son opkom
tot waar dit ondergaan,
moet die Naam van die Here
geprys word.
4 Die Here is verhewe
bo al die nasies;
sy heerlikheid
is hoër as die hemele.
5 Wie is soos die Here ons God,
Hy wat hoog woon?
6 Hy verneder Homself
om te kyk
na die hemele en op die aarde.
7 Hy verhef die armes uit die stof
en die behoeftiges
van die ashoop.
8 Hy plaas hulle by die vernames,
by vernames van sy eie volk!
9 Die kinderlose vrou
in ’n huis maak Hy
’n gelukkige moeder
van kinders.
Prys die Here!
—https://api-cdn.youversionapi.com/audio-bible-youversionapi/553/32k/PSA/113-997748222096ea90f2086768a5be2e29.mp3?version_id=117—